გადაღლილი გონება გაეთიშა თორემ ძილი არ ერქვა იმ მდგომარეობას და უბედურება ამ ამბავში ის იყო,რომ შეეჩვია. სრულიად საკმარისი იყო მისთვის ის დრო ენერგიის აღსადგენად და მეორე დღე მუშაობის დასაწყებად.
დუდას რა დააძინებდა,სოფიო ჰყავდა გვერდით ,ერთი ხელის გაწვდენაზე ეძინა . მოფერების სურვილა გაგიჩენდა ისე გამოიყურებოდა . დუდაც იქამდე უყურებდა სანამ ქუთუთოები არ დაუმძიმდა და საბოლოოდ არ გაითიშა.
აპარატების ხმა გათენებისას კიდევ უფრო ხმამაღლა ისმოდა თითქოს. ანალიზების აღებაც რომ დაიწყეს და აფუსფუსდდა განყოფილება .
_არ გეძინა ?_ თვალები რომ გაახილა და დუდა ყავის ფინჯნით ხელში დაუხვდა მაშინვე ჰკითხა . ძვლების ხმა გაიგო გამოძრავებისას და სახე შეჭმუხნა _რა ხდება
_არაფერი ... მშვიდობაა _ყავა მაგიდაზე დაუდგა _როგორ ხარ
_შემოვლა გავაკეთოთ და წადი სახლში... ხვალ დილამდე არ გამოჩნდე კლინიკაში
_კარგი უფროსი თუ გინდა იყო ჩემ პოზიციაზე სხვების მოწვევას შეეშვი_პასუხის დაბრუნება არ ადროვა ისე გავიდა ოთახიდან
_თავხედი _ გაბრაზება ვერ შეძლო გაეცინა და მერე საკუთარ თავზე მოეშალა ნერვები.

რამდენიმე კვირა ისე გავიდა განსაკუთრებული აღარაფერი მომხდარა.
_კარს რატომ არ კეტავ შეგიძლია მითხრა ?_ კაბინეტში დაუკაკუნებლად შედიოდა დუდა და ერთ_ერთი უეცარი შესვლის დროს ნახევრად შიშველი დაუხვდა. დერეფანში ხალხი მიმოდიოდა ,წამსვე მიხურა კარი და თავად გადაატრიალა გასაღები . სოფიო არც აჩქარებულა სამედიცინო ფორმის ზედას უყურებდა და წყალბადის ზეჟანგს ასხამდა სისხლით დასვრილ ადგილს
_შენ გარდა არავინ შემოდის მაინც ...რა ხდება
_შენ რას აკეთებ
_თქვენ რას აკეთებთ ... მითხარი და გიპასუხებ
_საერთოდ არანორმალურია ნახევრად შიშველს გიყურებდე და თქვენობით გესაუბრებოდე თორემ ზრდილობის დეფიციტში არ ვარ ... მეორე ფორმა არ გაქვთ? _ მზერას ვეღარ აშორებდა უკვე ხან ზურგით მდგომს და ხანაც გულ_მკერდით. გიპიურის ლიფი ეცვა გამჭვირვალე და თითქმის შიშველი იყო რაღაც მომენტში
_დაიჭმუჭნა და იმას ვერ ჩავიცმევ
_უთო ხომ მაქვს აქ _ ამოიოხრა , კარადა გააღო მისი ფორმაც იპოვნა და ქვემოთ საცვლებიც რომ დაუხვდა კიდევ აატრიალა თვალები. მეორე უჯრიდან ორთქლის პატარა უთო ამოიღო სწრაფად შეაერთა და სანამ რამეს ეტყოდა იქამდე დაიწყო დაუთოება
_ეს არ ამოდის მგონი
_როგორ დაისვარეთ
_ლომაიას სისხლდენა არ გაუჩერდა სულაბერიძე გარბოდა გამორთვას ითხოვდა და ექთანი იქეთ გავუშვი მე მივედი . 10 წუთის მერე რომ ავწიე სახვევი ისევ მთელი წნევით გამოასხა სისხლმა და ასეთი ხელოვნების ნიმუში შეიქმნა
_სულ მაღალი წნევა აქვს...წამლებს არ სვამს ეგ ზუსტად ვიცი
_მეც ვიცი და ვესაუბრე მის დას
_მერე რაო
_იქეთ დამადანაშაულა უფასოდ არ გაქვთ კარდიოლოგის კონსილტაცია და ძველი დანიშნულება აქვსო...მე უნდა თან აგინოს ჩემ ექთნებს და თან კარდიოლოგებს ვემუდარო იქნებ უფასოდ მიიღეთ და თან ურიგოდ რა თქმა უნდა_თქო . როგორიცაა ისეთი ჰყავს ცოლიც ...სად იპოვნეს ასე ერთმანეთი რა საინტერესოა. ორი საათი ველაპარაკე და ძლივს მივიდა იმ დასკვნამდე რომ თვითონ მიაწოდოს წამლები ,წყევლას ჩააყლოს დალიე ცეცხლი ,ნავთი,დუღარე და ფიზიოტენზიო _ ლაპარაკობდა და თან იცინოდა . ისეთი ლამაზი იყო . დაცხა და თმა მაღლა აიწია . დუდამ ორთქლით ლამის დაიწვა ხელები ნაჭრის ნაცვლად თითებისკენ რომ მისწია . თითქოს განგებ არ იცვამდა რამეს და მაინცადამაინც იმ დღეს ეცვა ის საცვლებიც. შარვალიც რომ გაიხადა დუდას უკვე ისეთი ღრმა ამოსუნთქვა ჰქონდა ოხვრას ჰგავდა. არც აკაკუნებდა ვინმე რომ აჩქარებულიყო . მერე გაბრაზდა ასეთი უმნიშვნელო როგორ ვარ ოდნავადაც რომ არ აღელვებს ჩემი აქ ყოფნაო. ქალების წინაც არ გმოიცვლიდა ასე ,დარწმუნებული იყო. ყველა ჯერზე როცა იაზრებდა რამდენად ბავშვად აღიქვამდა თავი ეწვოდა ბრაზისგან.
_დუდა
_გისმენ
_რომ მისმენდე ერთი საათია ვლაპარაკობ ...რა გჭირს
_ჩავფიქრდი _ სავარძელს იყო მიყრდნობილი,თავი უკან ჰქონდა გადაწეული და თვალები დახუჭული უცებ რომ გასწორდა და სოფიო ზუსტად მის წინ აღმოჩნდა
_კილასონიას ანალიზები ამობეჭდე და ჰემატოლოგთან გაყევი რა გთხოვ. ველაპარაკე მე უკვე ,ავუხსენი მდგომარეობა ,მაგრამ შენც დამატებით მოუყევი ანამნეზი.ხომ გახსოვს რომელი პაციენტიცაა
_მახსოვს კი ... სამჯერ გვყავდა უკვე ანემიის დიაგნოზით .ეხოსკოპია არ გვინდა ?
_კი ,ყველაფერი . არ წამოხვიდე სანამ დანიშნულებას არ მისცემს და დაიმახსოვრე რას დაუნიშნავს
_ჩანაწერები აქვს გასაკეთებელი რამდენიმე ისტორიაში და ესენიც გამოვტყუო იქნებ _ ჩამოწერილი ჰქონდა გვარები და ისიც იპოვნა
_უთხარი აგვიანდება ისტორიებს ჩაბარება და გიორგი კლავს სოფიოს_თქო
_ეგ იცის ისედაც და ტყუილიც არ არის...უბრალოდ თქვენ არა ,მე მკლავს. თქვენი ეშინია მთელ კაცთა მოდგმას ქალბატონო სოფიო
_შენ მეირონიულები მხოლოდ ასე ლაღად და თავისუფლად
_არ ინერვიულოთ არავის ვეტყვი ჩემ პრივილეგიებზე თქვენს ცხოვრებაში
_სესილიამ მუშაობა დაიწყო ... მაკამ დამირეკა უკვე მადლობებს არ იშურებს ეს რა გოგო მაპოვნინეო
_ხომ არ ნანობ არჩევანი ჩემზე რომ გააკეთე
_არჩევანი არ გამიკეთებია ... კახამ პირდაპირ შემომაჩეჩა შენი თავი _ არ დაიშურა სიმწარე ,მაგრამ დუდას რეაქცია არ ჰქონია


_დუდა როგორაა ? ბიჭებმა თქვეს გიორგის მალე გაათავისუფლებენო _ოჯახური ვახშმის დროს ჰკითხა კახამ
_ორ წელზე მეტია ზის ხო? თავიდანვე გიჟი იყო ,ნათიაზე ჭკუა ეკეტებოდა და გადაეკეტა კიდეც საბოლოოდ
_ზოგ ქალს ნატვრად აქვს ქმარს ასე ეკეტებოდეს _ დედას გახედა ამ დროს ,მაგრამ საუბარში ისევ არ ჩაერთო
_შენც ხო არ გინდა დავშორდეთ და მერე შენ დას.რებულ თაყვანისმცემლებს სდიო პაემნებზე აქაოდა მეორე ცხოვრებას ვიწყებო ...არა თუ გინდა შეგვიძლია ჩემო სიცოცხლე
_შესანიშნავად იცი ნათიაზე და მის ქცევებზე მე თავიდანვე რას ვფიქრობდი... ანდროს შვილი რომ იყო სულ მიკვირდა და მერე კი გაირკვა ,რომ აყვანილი ჰყავდათ. ყველაფერი მაინც გენეტიკურია და ეს გონებაარეულობაც ალბათ
_გონებაარეულობა კი არა ბ.ზობისკენ სწრაფვაა გენეტიკური და შეიწირა კიდეც გიორგის ცხოვრება . მოინელა ახლა ურიგდება ისიც კაი ჩამოსხმაა... ის ბიჭი მეცოდებოდა თავიდანვე. რაღაცნაირი კაცი იყო ბავშვობაშიც. მაგათთან ხშირად არ ვიკვეთებოდი, რაღაც თემა იყო რესტორანში იჩხუბეს ბიჭებმა მახსოვს. ისე სერიოზულად იბაზრა ხმა აღარ ამოუღია არავის ჩვენგან ,მერე მოსახვედრსაც მოხვდა მისგან და მოკლედ დედ_მამას არ ჰგავს ხო?თუ მეშლება _ მდუმარედ მყოფ ქალიშვილს გადახედა _ სოფო არაფერს გვეტყვი შვილო?
_ჭორაობა შენგან მიკვირს და ველოდები დიალოგის განვითარებას
_არ ვჭორაობ...ოჯახთან ერთად ვსაუბრობ უბრალოდ შენ ოჯახთან არ ხარ შვილო არასდროს
_როგორი ბიჭია დუდაო გკითხა ... _ კახაც სოფიოსავით ჩუმად იყო თავისი დარდები და ფიქრები აწუხებდა
_საიმედო ექიმია და კაციც ... ბე ყველაფერი უგემრიელესია . ერთი ვახშმით მოვიმატებ დაკლებულ 2 კილოს _ მოხუცს მოეხვია და ლოყაზე რამდენჯერმე აკოცა _ საოცარი ხარ და უნდა გამოვნახო დრო ახალი რაღაცების სწავლისთვის
_ბებიკო გენაცვალოს... ყველაფერს გასწავლი. შენთვის მაქვს ხომ იცი მე რეცეპტები ჩაწერილი და ახალ_ახალს ვამატებ _ ქალიც მოეფერა ნასიამოვნები დარჩა კომპლიმენტით და დანაყრებული შვილიშვილით
_მეც მოვედი ...დამიტოვეთ რამე თუ ყველაფერი გადაჭამა დამშეულმა ექიმმა _ ოჯახის ნებიერა , სოფიოს უმცროსი ძმაც გამოჩნდა. გოგოს მოეხვია და რამდენჯერმე აკოცა _ მომენატრე ქალბატონო ...მთელ ოჯახს გვაკლიხარ. მხოლოდ მძინარეს გხედავთ რა ხანია
_მეც მომენატრეთ და დასვენებების რეჟიმზე გადავდივარ
_დუდა გყავს ახლა იქ დატოვებული?
_მორიგე ექიმები ... დუდაც მორიგეა ხვალ თერაპიაში და მიხედავს ყველაფერს ჩემი მისვლის გარეშეც ამიტომ ხვალ შეგვიძლია სადმე გავიდეთ ერთად და ავღნიშნოთ კახას 75 წლის იუბილე
_აი თურმე რატომ ხარ სახლში... კახა ბაბუს გამო თორემ ჩვენი დაბადებისდღეები ვის ახსოვს
_რას აკეთებდი ამ დრომდე
_ველოდი როდის მოვიდოდნენ და გადაიყვანდნენ მანქანებს ... ტვინი მომ.ტყნა უკვე
_სუფრასთან სიტყვები
_აუ დედაა გთხოვ რა ოდესმე შეეგუე რომ შენი ფილოლოგობა ჩემზე არ აისახა
_მოგვარდა საბოლოოდ თუ დავრეკო
_სად უნდა დარეკო...მოვაგვარე. გიორგი რომ გამოუშვიათ ყიფიანი იცოდით? დაუბრუნდება ახლა საქმეებს რაც დაუპაუზა დუდამ
_გამოვიდა ?როდის
_რამდენიმე საათის ამბავია ... მაგათმა უბნელმა ჩიკომ მითხრა. ხო იცი უბანში როგორ უყვართ და აფასებენ მაგას . სუსტადაა კიდე საავადმყოფოდან გამოსვლის მერე ალბათ ხო?თან ციხე ,ასაკი ყველაფერი ერთად ... დუდა სად გყავს შენ
_სად უნდა ყავდეს რა კითხვაა
_მუშაობს _ ტელეფონი აიღო მაშინვე და მორიგეობის გადაცვლაზე დაიწყო მუშაობა. ბოლოს დუდას მისწერა ლანა იმუშავებს ხვალ შენ ნაცვლადო და საპასუხოდ ზარი მიიღო
_რატომ იმუშავებს ლანა ...რა ხდება. მარტო ისევ ვერ მტოვებ?
_გილოცავ გიორგის გათავისუფლებას... პრობლემების დასასრული იყოს და
_გგონია სახლში მინდა ჯდომა და ამათი ომის ყურება? ახალმოყვანილი რძალივით შეჭამენ ახლა ნათიას და მე უნდა ვიყო მომრიგებელი,მაგრამ მე არ ვიქნები. მოაგვაროს გიორგიმ ყველაფერი... კარგადაა და თავისუფალიცაა
_ანუ იმუშავებ ხვაალ?
_ხვალ ჩემი დაბადების დღეა ... გეპატიჟები თუ თავისუფალი ხარ _ კახა როდის მივიდა ვერ გაიგო,ტელეფონი რომ გამოართვა და ბიჭი დაპატიჟა გაოცებულმა გახედა_ მთელ ოჯახს გეპატიჟებით და შენც თუ იქნები გამიხარდება
_მადლობა დაპატიჟებისთვის,ვეცდები
_კარგი მერე მოგწერ ... _ გაუთიშა და კახას მიუბრუნდა _ როდის გადაწყვიტე ქეიფი
_გეკითხა და გეტყოდი ...
_ვის ეპატიჟები კიდევ
_ახლობლებს
_ძალიან გაგიზრდია ახლობლების წრე
_დუდა არ უნდა დამეპატიჟებინა?
_როგორ არა...შენ და 20 წლის დუდა კლასელები ხართ და ბავშვობიდან მოდიხართ
_20 წლის არაა,25 წლისაა
_რატომ იცი დუდა რამდენი წლისაა
_შენც რომ იცოდე ზუსტად და გახსოვდეს სულ ვინაა კარგი იქნება
_და ვინ თქვა ,რომ არ მახსოვს?
_ახლოს არიან ძალიანო ასე ამბობენ
_ვინ ამბობს... შორს როგორ უნდა ვიყო ადამიანისგან რომელიც სულ გვერდით უნდა მყავდეს და რომელსაც უამრავი პროფესიული საიდუმლო უნდა ვანდო. ისეთებიც საციხო საქმე რომ გახდეს შეიძლება
_არ გაბედო და არ შეგიყვარდეს ! იმ კაცს შეხვდე სჯობს მამაშენი რომ გეუბნებოდა
_მამაჩემის ნაპოვნ კაცს უნდა დავუწვე? ლოგინიც მაგან უნდა მიკონტროლოს კახა?
_ნუ ლაპარაკობ თავხედი ბავშვივით ... ბაბუა ვარ ამ ასაკის თან
_არ მჭირდება კაცი ცხოვრებაში ... რით ვეღარ მიხვდით გავხდი უკვე 32 წლის
_გახდი იდეალური ქალი და ყველა ნორმალური კაცისთვის სასურველი. დისტანცია დაიცავი,გაფრთხილებ... მერე გეტკინება და თან ვეღარასდროს წაშლი ცხოვრებიდან ისეთ ამბავს, რომელზეც მთელი ქალაქი იჭორავებს . კაცებს თავის ტკივილი მოაქვთო ამბობ და ისე ნუ იზამ ყიფიანმა აგიფეთქოს ეგ თავი
_ნუ მაცინებ კახა... ვის აყევი ,რა გითხრეს. შენ მაინც არ იცი როგორი კაცები მყავს თავიდან მოშორებული და ვისთვის მაქვს უარი ნათქვამი?რა დუდა ყიფიანი ... თინეიჯერი გოგო ვარ?
_ზუსტად,ნუ გააკეთებ ისეთ რამეს რაც შენ გონებაშიც არ მოიხარშება ,გადაიხარშება და გაიფილტრება ... ჭკუა არ დაკარგგო თორემ ჭკუა თუ დაკარგა ქალმა მერე ყველა და ყველაფერი შეიძლება მოხდეს
_ეს დიალოგი მეორედ აღარ მინდა გაიმართოს ჩვენ შორის კახა
_ნუ ბრაზობ
_თუ ისეთ ადამიანად მიგაჩნდა ჩემ ზღვარს რომ გადალახავდა რატომ მომიყვანე
_ვერ ვიფიქრე მაგაზე და ჩემი შეცდომაა
_კახა სერიოზულად დარდობ ჩვენზე?
_არ უნდა მოხდეს თქვენ შორის არაფერი ! ეს არ დაგავიწყდეს მხოლოდ
_რომ მოხდეს მერე?
_სოფიო!
_რას გააკეთებთ
_კაცის გამო ხომ არ დათმობ არაფერს...ეგ არაა შენი ფემინისტური აზროვნება?დარჩი მაგ აზრზე და ნუ დადებ სასწორზე ყველაფერს შენ კარიერას და რეპუტაციასაც შეექმნება საფრთხე შენზე პატარა ბიჭთან რომ გააბა რომანი თანაც შენ დამხმარესთან . საქართველოში ქალ ექიმს მსგავსი ამბით
_შვილთაშვილი მეგონა გინდოდა ჩემგან ...
_გეყოფა სოფიო სახუმარო თემა არ არის
_ანუ არ გინდა ჩემგან შვილთაშვილები და სხვების ბავშვები გკმარა ... მე მეგონა მე ვიყავი შვილიშვილებს და ძმის შვილიშვილებს შორის გამორჩეული. ყველა ამბობდა სოფიო უყვართ განსაკუთრებულადო და სულ ტყუილად ეგოისტობდნენ?
_შენ ჩემი განსაკუთრებული ხარ ,მაგრამ რაღაცები უპატიებელია !
_როგორ გავბ.ზდე ახლა იმის დასამტკიცებლად რომ შენ ისე გიყვარვარ ყველაფერს მაპატიებ _ ჩაეხუტა გაგიჟებულ კაცს და რამდენჯერმე აკოცს გულთან _მე მიყვარხარ ყველაზე მეტად თუნდაც მე არ ვიყო შენი ყველაზე ყველაზე საყვარელი შვილიშვილი
_ჩემო ბავშვო ... ყველა მიყვარხართ მე . ჩემი სულის ნაწილები ხართ _ დასუსტებული მკლავები მოხვია და თავზე გადაუსვა ხელი _ თუ გიყვარდე არ ქნა ისეთი რამე უკადრებლის კადრებას რომ გავდეს და უკაცობამ სიბერეში უწიაო ასე რომ თქვას ხალხმა
_ხალხის აზრი ხომ იცი
_ცუდი სიტყვები არ იცი შენ და ნუ იტყვი ახლა,ჩუ ბაბუკო
_გავჩუბდები აბა და ჩამეხუტე ისე ...იცი როგორი დაღლილი ვარ სახლში რომ ვისვენებ მაშინ? რომ ვმუშაობ კი ვერ ვხვდები
_არანორმალური ხარ და იმიტომ _ სოფიოს მის გულზე ჰქონდა თავი მიბჯენილი ის კი ისევ ისე ეფერებოდა თმაზე და ჩუმად ეჩურჩულებოდა სანამ ლილი არ გამოჩნდა
_სად ხართ ბები... რას ჭორაობთ უჩემოდ ?
_არაფერს... შენი ხაჭაპურია მოწოდების სიმაღლეზე კვლავ _ ქალისკენ გაიწვდინა ერთი ხელი და მხარზე მოეფერა
_მეტი უნდა ეჭამა ... რამდენი ხანია იმ გამოძახებულ უბედურებებს ჭამს
_დამიცხვე ხოლმე და წავიღებ დილით
_რომელზე ექვსზე? შენც თუ ქალის ცხოვრება გაქვს რაა
_გთხოვთ დღეს ნუ მეტყვით მსგავს წინადადებებს რაც მაქვს კმაყოფილი ვარ ,რომ არ ვიქნები შევცვლი . ჩემი ნება არ არის?
_შენი ნება რაღა იქნება თუ ავად გახდი
_კარგად ვარ ... ას წლამდე ვიცოცხლებ
_კი მოგიწევს აბა შვილები და შვილთაშვილები ხო გინდა
_წამოდი ფილმს ვუყუროთ ერთად_ ორივეს ჩაკიდა ხელი და სასტუმრო ოთახისკენ გადაინაცვლა. მათ შორის დაჯდა როგორც ბავშვობაში,ქართულ ფილმებს შორის ბოლოს რატომღაც მხიარული რომანი აირჩიეს და ისე იცინეს თითქოს პირველად უყურებდნენ კადრებს. სასაცილო იყო მოხუცებზე ადრე რომ ჩაეძინა , ბებოს მუხლებზე ედო თავი და ტკბილად ეძინა სანამ ქალი თმაზე ეფერებოდა . შემდეგ უმცროსმა ძმამ აიყვანა საძინებლამდე და იქ გადააგრძელა ძილი ისე რომ გვერდიც არ შეუცვლია.

რთული იყო სოფიო ხაჭვანის ცხოვრება, დამღლელი და სტრესული. არჩევანი დიდი ხნის წინ გააკეთა და ჯიუტად არ ცვლიდა .

დილით გაღვიძებისა და სამსახურში წასვლის ნაცვლად საწოლში იწვა და მშვიდად ეძინა იქამდე სანამ სიზმარში გამოეცხადებოდა ყიფიანის სახე . ოდესღაც დაიგნორებულ კადრს ისე ცხადად ხედავდა თითქოს ნამდვილად მის წინ იდგა თავისი განიერი მხარ ბეჭით და ლურჯ ფორმას ირგებდა . არ უყურებდა ხოლმე ,ძირითადად მუშაობდა და სულ რამდენჯერმე გაექცა მზერა ,ისიც წამიერად ახლა კი დილა დაიწყო ამ მოგონებით. უცებ წამოჯდა და მერე ისევ საწოლზე დაეშვა
_ყველაფერი შენი ბრალია კახა ...რა დიალოგი გამიმართე _ ამოიოხრა და მეორე მხარეს დადებულ ბალიშს მოეხვია მობილური რომ აზუზუნდა და იქაც დუდას სახელი გამოჩნდა
_გისმენ
_გამარჯობა... უგულავას ხელწერილით უნდა წასვლა . სალომე ელაპარაკა ,მაგრამ მაინც ჯიუტად არ რჩება
_შენ დაელაპარაკე?
_მე არა სალომე ...
_შენ დაელაპარაკე ნუ გეზარება ლაპარაკი... ქირურგი ხარ? ლაპარაკის გარეშე ფსიქიატრი იქნები?მიდი და დაარწმუნე დარჩეს!
_მაგრამ იქნებ სჯობს სახლში
_დუდა სახლში თუ წავა მოკვდება და შენ რას უწყვიტავ სჯობს სახლში მოკვდეს ვიდრე მანდ? დაელაპარაკე და დაარწმუნე დარჩეს
_და აქ მოკვდეს მერე მორგიდან რომ გადაასვენონ მონატრებულ სახლში?
_გააკეთე ისე რომ არ მოკვდეს ...რისთვის ხარ ექიმი
_სოფიო ვისზე გელაპარაკები არ გახსოვს თუ რა გჭირს... რა უნდა გავაკეთოთ
_დუდა
_მე დავარწმუნებ,მაგრამ მთელი ცხოვრება მექნება სინანულის შეგრძნება სახლთან და ახლობლებთან გამომშვიდობების გარეშე უცხო ცივ კედლებში რომ
_დღეს ვისვენებ. მეტჯერ აღარ დამირეკო...მორიგე ექიმს მიაღებინე გადაწყვეტილება და თუ უნარი არ გაქვს ექიმობის და ღრმა გრძნობებთან ერთად სენტიმენტები გაწუხებს წადი თეატრში მსახიობად
_მეგონა დღეს უკეთეს ხასიათზე იქნებოდი და უარესად ხარ აშკარად
_ჩემი ხასიათი შენი საქმე როდის გახდა !
_უკაცრავად რომ შეგაწუხეთ... თავად გავუმკლავდები _უცებ გაუთიშა და დატოვა სოფიო ხასიათმოშლილი.

კახას დაბადების დღეზე საბოლოოდ ასამდე ადამიანი რომ შეიკრიბა და ოჯახური გარემო საერთოდ შეუსაბამო გახდა ამ ხალხმრავლობისთვის ინანა კიდეც შვებულების აღება. ტელეფონი მთელი დღე მაინც არ ჩერდებოდა,პაციენტები ან პაციენტების ახლობლები როცა არ ურეკავდნენ ექიმები უკავშირდებოდნენ და მთელი დღის განმავლობაში იმეორებდა "შვებულებაში ვარ " მერე ისმოდა კითხვები და აგრძელებდა ახსნას ,რომ კარგად იყო , ისვენებდა მხოლოდ რამდენიმე დღით .
დუდას კი ერთხელაც არ დაურეკავს. გიორგი და ნათია რომ დაინახა გაუკვირდა კიდეც. კაცი წინა დღეს ციხიდან გამოსული იყო და საზოგადოებაში ინტეგრაციას შესანიშნავად ახერხებდა. ისეთი თავდაჭერილი იყო,ისეთი აურა ჰქონდა შორიდანაც იგრძნობოდა მისი ხასიათი. ბევრი მითქმა _მოთქმა მოჰყვა ნათიასთან ერთად მის გამოჩენას და დაიძაბა კიდეც ,ვაითუ ვინმემ რამე უთხრას და ისევ ჩხუბი მოუხდესო,მაგრამ ვერავინ გაუბედა კითხვის დასმაც კი. სოფიამდე რომ მოვიდნენ ნათია დიდი სიყვარულით მოეხვია
_როგორ ხარ ძვირფასო ... გილოცავ საყვარელი პაპის დაბადების დღეს.
_გმადლობთ ... თავად როგორ გიკითხოთ
_მაინტერესებდა შენი ახლოს გაცნობა...ბავშვობაში კი შევხვდით რამდენჯერმე ,მაგრამ იმ დროს ძალიან პატარები იყავით შენც და დუდაც. შემდეგ მახსოვს როგორ დაგვეხმარე ჯერ კიდეც სტუდენტობისას ... შენთან ვალში ვართ ყიფიანები _ ხელზე აკოცა და თავისი ხავერდოვანი ხმით დაიწყო დინჯად საუბარი
_დუდა ისეთი ექიმია ... ვისურვებდი განყოფილებაში დარჩეს ჩემთან ,მაგრამ მისთვის ზედმეტად პატარა სივრცე მგონია და მეტს იმსახურებს ნამდვილად
_დუდა აღფრთოვანებულია შენით თორემ ერთ წუთსაც არ მიჰყვებოდა შენ მითითებებს. ადრე რომ სცადა მუშაობა ვერ შეეგუა ვერც გარემოს და ვერც ექიმების გუნდს. დიდად სხვისი ბრძანებების შესრულება არ უყვარს,მიხვდებოდით თქვენც
_რეზიდენტი მალე გახდება და დრო ისე სწრაფად გადის დამოუკიდებლადაც შეძლებს იმუშაოს
_ფსიქიატრია აქვს ამოჩემებული და არ ვიცი საერთოდ რად უნდა ... მე მინდოდა ქირურგი გამხდარიყო და მგონი ჩემ საწინააღმდეგოდ რომ მოიქცეს იმიტომ იქცევა ასე. შენი ძმაკაცებისთვის ოპერაციების გაკეთებაა მომიწევს იქამდე სანამ არ დამიჭერენ უკანონო ქმედებებისთვისო ,წლების წინ მეუბნებოდა
_მეეჭვება დუდას გადაწყვეტილებებზე ვინმეს გავლენა ჰქონდეს ... იმ გზას აირჩევს რომელსაც გონება უკარნახებს . მე დარწმუნებული ვარ ვიამაყებ მისი შემდეგი ნაბიჯებით
_კარგად გაგიცნია _ თვალებში უყურებდა ,დუდასფერი ჰქონდა სფეროები და მზერაც _მადლობა , რომ ხარ მის გვერდით და მადლობა დახმარებისთვის , რომელიც ჩემი ავადმყოფობის დროს გაგვიწიე
_დუდა იცნობდა კლინიკის დირექტორს მე მხოლოდ შვებულების დღეები მივეცი ,მაგრამ ახლა მუშაობს გაორმაგებულად
_მოსვლა მაინც მოახერხა _ ნათიამ რომ თქვა მაშინ გაიხედა დარბაზის მეორე ნაწილისკენ და კახას გვერდით მდგომი დაინახა. რამდენიმე სტუმარს მიესალმა და შემდეგ გამოიხედა სოფიოსკენ. თავი დაუკრა სულ ოდნავ და ისევ საუბარი განაგრძო. საერთოდ არ ჰგავდა იმ მომენტში ბიჭს რომელიც მის მითითებებს ასრულებდა და უსიტყვოდ მიდიოდა ყველგან სადაც გაუშვებდა,აკეთებდა ყველაფერს რასაც დაავალებდა. ისეთი სიმპათიური იყო ,იმდენად მიმზიდველი მასზე ჭორაობაც მალე დაიწყეს და ქალების კომენტარებსაც მოჰკრა ყური.
_ბავშვობაში სულ ჩხუბებში იყო... ახლა ექიმია
_ვასწავლიდი სკოლაში,უნიჭიერესი იყო სულ და კი ჩხუბებსა და გაუგებრობებშიც ეხვეოდა,მაგრამ ძალიან გთხოვთ მის ცოდნაზე ნურაფერს იტყვით. ღმერთმა ნუ დამაჭირვოს ,მაგრამ რომ ვენდობი ისეთი ექიმი იქნება ვიცი. თან ისეთი ხასიათი აქვს,რომ არ მოგატყუებს ,არ მოგექცევა უგულოდ და არ გაგყიდის ფულისთვის
_გიორგის ჰგავს ხასიათით ,მაგრამ უფრო ჭკვიანი აღმოჩნდა პროფესია რომ აირჩია სხვა და დაღვინდა უფრო.
_იმედია ისიც მასავით არ აარჩევს ქალს რომელიც ცხოვრებას აურევს_ ესმოდა ხმა და შორდებოდა იქაურობას. თავის მაგიდასთან დაბრუნდა, ცარიელ სკამზე დუდა დაუხვდა . როგორღაც ერთ მაგიდასთან მოხვდნენ მისი ოჯახის წევრები და ყიფიანები
_მორიგე მეგონე და აქ როგორ ხარ
_ვთხოვე და გამომიშვა რამდენიმე საათით _ჭიქა შეუვსეს და უარი არ უთქვამს
_მოკლედ შაჰივით ხარ ამდენ ქალებში... უარს არავინ არაფერზე გეტყვის მე რომ არ ვიყო
_არც შენ მეუბნები უარს _ მშვიდად გასცა პასუხი და შემდეგ კაცებთან საუბარში ჩაერთო. სადღეგრძელოებს ამბობდნენ და ისიც სვამდა იუბილარიც დალოცვის დრო რომ მოვიდა ფეხზე წამოდგა. ბევრს არ ესმოდა მისი ხმა ,მაგრამ იქვე მჯდომ სოფიოს სიტყვა არ გამორჩენია
_ბავშვობიდან გიცნობთ და გაფასებთ . ანდრო ცოტა ადამიანზე მეუბნებოდა დააკვირდი როგორი კაცია და მიხვდები როგორ უნდა იყო სწორი ადამიანიო. თქვენნაირი კაცები უნდა იყვნენ მრავლად თქვენ კი დიდხანს სიცოცხლეს გისურვებთ თქვენ დიდი ,ბედნიერი ოჯახის გვერდით_სასმისი ბოლომდე დაცალა ისე თითქოს პირველი იყო და შემდეგ ისევ დაუბრუნდა სკამს
_მთვრალი რომ დაბრუნდები განყოფილებაში იცის მორიგე ექიმმა?
_ასე მარტივად არ ვთვრები ...
_არადა არ ჰგავხარ მოქეიფე ქართველს
_აბა ვის ვგავარ
_კლუბური გართობისა და მოსაწევის მოყვარულს
_ყველაფერს თავისი დრო და ადგილი აქვს ჩემ ცხოვრებაში _უარყოფა არ უცდია ხორცის ნაჭრების დაჭრა განაგრძო და თეფში გაუცვალა _ ჭამე ,გემრიელია აქ ყველაფერი
_ორი დღეა ვჭამ...მგონია რომ მალე სუნთქვა გამიჭირდება
_ლილის ეფექტია? _ ჩაიცინა და საწებელიც წინ დაუდო . კახა უყურებდა მათ დუეტს , დუდას მოქმედებებს და სოფიოს ღიმილებს უთვლიდა . ბრმა უნდა ყოფილიყავი ყიფიანის გრძნობები რომ ვერ დაგენახა და სოფიო ნამდვილად არ იაზრებდა იმ რეალობას რაშიც ცხოვრობდა . ფეხზე წამოდგა დარბაზის მეორე მხრიდან მისსი ნაცნობი ბიჭები რომ მივიდნენ მისასალმებლად. ხელი ჩამოართვა ყველას,მოეხვია და მოიკითხა
_გიორგი მოსაწევად იყო გასული . ბიჭი რომ დაინახა ისიც მივიდა და მოეხვია
_როგორ ხარ კიტა ?
_ყიფო მიხარია შენი თავისუფლებაზე ნახვა ... გავიგე შენი ამბები . ხო კარგადაა ყველაფერი
_კი ,კი ... დავუბრუნდი ცხოვრებას . შენ აქეთ ხარ?
_დავბრუნდი
_მიხარია ... მამაშენს ძალიან უნდოდა . ღმერთმა გაანათლოს ,თვითონ ვერ მოახერხა აქ დაბრუნება
_საკუთარი ცხოვრება ისე წარმართა სიმშვიდე დაკარგა და ვერც იპოვა . იმედია შენ არ გაიზიარებ ძმაკაცის შეცდომებს ... აბა დროებით. შევხვდებით ისევ
_დროებით

სოფიომ ვერ მოითმინა და მაგიდასთან დაბრუნებულს მაინც უთხრა
_აღფრთოვანებული ვარ შენი სანაცნობო წრით და ამის ფონზე შენი ცხოვრებით ...
_მეგობრებს არ ვთხოვ ფულს და არ ვითხოვ საქმეებს თორემ ისევ უფლისწულივით გავაგრძელებდი ცხოვრებას ,რომელიც არაფერს აკეთებს და მაინც ფუფუნებაში ცხოვრობს
_თვითკმაყოფილებისთვის სიმდიდრიდან სიღარიბეში გადასვლა თუ ღირდა
_რა მატერიალისტი ქალივით იტყვი ხოლმე ... გააგიჟებ ადამიანს
_მატერიალისტი ვარ ... უფულოდ ვერაფერს გავაკეთებდი და საერთოდ ცხოვრებაც მეტად რთული და გაუსაძილი ხდება. უბრალოდ ფულისთვის არ უნდა გააკეთო ყველაფერი _ჩუმად და ჩქარ_ჩქარა ესაუბრებოდა
_ერთ აზრზე ვართ და ზუსტად ვიცი ჩემ ადგილას შენც ჩემსავით მოიქცეოდი ახლა უბრალოდ დეტალები არ იცი ... რას ითხოვ ჩემგან გამაგებინე _გაუღიმა და ინსტიქტურად გადაუწია ლოყაზე ჩამოშლილი თმა ყურს უკან . საერთოდ არ ახსოვდა იმ წამს მთელი ოჯახი რომ უყურებდა
_ის მინდა ,რომ კერძო რეზიდენტურაზე ფულის გამო არ თქვა უარი და ქვეყნიდან წასვლასაც მარტო ვერ დაიფინანსებ
_ჯერ ჩემ ნაცვლად სესილია გინდოდა,ახლა ქვეყნიდან წასვლაზე მელაპარაკები...თუ გინდა რომ წავიდე სამსახურიდან მითხარი და ხვალვე წავალ
_მე საერთოდ არ მინდა რომ წახვიდე მაგრამ ამ შეგრძნებას თუ ავყევი მერე ეგოისტი ვიქნები რომელიც განვითარების საშუალებას არ მოგცემს და დაგიტოვებს მონასავით
_და არ გინდა ცუდი გოგო რომ იყო? _ ისევ გაუღიმა,ისევ თვალები დაუწვრილდა და სოფიოს გულმა ისევ გამოტოვა დარტყმა გონებაში კი გაჩნდა ფიქრი" სიმთვრალეც რატომ უხდება ღმერთო"
_დუდაა რამდენი ხანია არსად გამოჩენილხარ ... როგორ ხარ ?_ ლამაზი გოგო მოეხვია და ლოყაზე აკოცა _მომენატრე
_ბაბი ... შენ როგორ ხარ ?_ მკლავზე რომ მოეფერა და აკოცა გოგოს იქამდე სანამ მის ხელებს მოიშორებდა სოფიოს უკვე ბრაზი წვავდა . მერე ჩაიხუტა და ისე მოეფერა როგორც ძალიან ძვირფასს . ისე გაყვა სადღაც გოგოს თვალი ვერ მიადევნა მამამ დაუძახა და ვიღაც სტუმრის სანახავად წაიყვანა . ვერ იტანდა დაკარგული ნაცნობების ნახვას და "ჩემ თვალწინ გაიზარდე " კომენტარების მოსმენას თითქმის უცნობი ადამიანებისგან ,მათგან ვისგანაც მხოლოდ სახელი და გვარი იცოდა .
დარბაზის ყველა მხარეს გაიხედა ,მაგრამ არსად ჩანდა მერე კი აივანზე განლაგებულ მაგიდებს დააკვირდა და ერთ_ერთ მათგანზე ახალგაზრდებთან ერთად შენიშნა ყიფიანიც. გოგოები ეხვეოდნენ და ფოტოების გადაღებით იყვნენ გართულები. ისიც თავისი საფირმო ღიმილით იღიმოდა და ისეთი ტკბილი ჩანდა გეგონებოდათ ჩხუბებით და საქმის გარჩევებით დაკავებული თინეიჯერიც სხვა იყო და კლინიკაში მოღუშული სახით მოსიარულე ექიმიც სხვა. უცებ გაიხედა მისკენ თითქოს მზერა იგრძნო და როგორც კი დაინახა მაშინვე დაიძრა
_წამომყევი რა _ ხელი ჩაკიდა და თან გაიყოლა მერე კი ზურგზე მიადო თითები
_სად მიგყავარ
_გაიცანი ჩემი ნათლული ანა ,მისი ბავშვობის მეგობრები ბარბარე და სესილია _ გოგონებზე მიუთითა და მერე კი სოფიო წარუდგინა _ გაიცანით სოფიო ხაჭვანი, ჩემი ექიმი
_თქვენზე ბევრი გვსმენია...სასიამოვმოა
_ მეც მსმენია ... ოღონდ ყიფოსგან არა ჩემი მეზობელია თქვენი პაციენტი და თუ ლოცვის ძალა არსებობს მხოლოდ მისი ლოცვა გეყოფათ 100 წლამდე ჯანმრთელი და ბედნიერი ცხოვრებისთვის
_ასეთი ლამაზი და ახალგაზრდა არ წარმომედგინეთ... ისეთი ცნობილია თქვენი სახელი ვფიქრობდი 40 წლის მაინც იქნებოდით
_არც ბევრი მაკლია 40 წლამდე _ გაეცინა და გოგონების აღფრთოვანებული მზერით კმაყოფილი მიეყრდნო აივნის მოაჯირს
_აუ ვერ შემოგვიერთდდებით? სესის კურსის დასასრულს ავღნიშნავდით
_მასპინძლის როლში ვარ თორემ სიამოვნებით გავატარებდი დროს თქვენნაირი ახალგაზრდების გარემოცვაში
_ისე ნუ საუბრობ თითქოს ბევრად დიდი იყო ,გთხოვ
_მინიმუმ 10 წლით უფროსი ვარ ყველაზე . დეიდა სოფიო
_30 წლის ხარ რა დეიდა სოფიო...
_32 წლის ვარ და დიახ,დეიდა სოფიო გამოდის ... დაგტოვებთ. სასიამოვნო იყო თქვენი გაცნობაა გოგონებო _ გაუღიმა და მშვიდად დატოვა იქაურობა. დუდაც უკან რომ მიჰყვა არ ელოდა ,მალევე დაეწია და გვერდით ამოუდგა
_თავს რატომ იბერებ გამაგებინებ?
_არ ვიბერებ ,მაგრამ არც ვიბავშვებ...ზრდასრული ქალი ვარ . არ იცოდი? ჩემგან ხომ არ ელი 20 წლის გოგოსავით მოქცევას
_ასიდან 1 არ იტყვის 30 წლისააო ისე გამოიყურები და
_ვიცი და ძალიან კმაყოფილიც ვარ ამ ფაქტით,მაგრამ მე სულ დიდი ვიყავი შინაგანად . გარეგნულადაც არასდროს ვგავდი თინეიჯერს. კლასიკური სტილი ასაკს ირჩევს. შენ რა გინდა რომ ვთქვა მე რომ შენზე უფროსი ვარ და შენი უფროსი ვარ ეგ არ არის ფაქტი? როგორ თქვი?ჩემი ექიმიო არა? ვინმე იფიქრებს ავად ხარ და გმკურნალობ
_არც უმაგისობაა _ ჩუმად თქვა და მერე ისევ შეუშალეს ხელი . სოფიოს ეძახდნენ .
დუდა ყველას დაემშვიდობა და მალევე წავიდა . წარმოდგენა არ ჰქონდა ჩხუბი რომ ატყდა აივანზე საქმე მის ნათლულს და მის სამეგობროს თუ ეხებოდათ. ხედავდა ილდანი და ნავერიანი როგორ გაიქცნენ გარეთ მერე კი კახი და მისი მეგობრებიც დაინახა. წამებში ყველაფერი თავდაყირა იდგა. ჩხუბი ეზოში გაგრძელდა და სიტყვიერი შელაპარაკებიდან ფიზიკურში გადაიზარდა. ატეხილ ალიაქოთში შენიშნა ატირებულმა ბარბარემ როგორ დაკარგა გონება და სესილიამ შიშისგან კივილი დააიწყო. მაშინვე მათკენ გაემართა , ხალხს შორის გაიარა და გოგონებთან მივიდა
_დამშვიდდი ყველაფერი კარგადაა...ნუ გეშინია _ სკამებზე ააწევინა ფეხები და რამდენიმე წამში გამოაფხიზლა _ წაგიყვანთ აქედან ... თუ მანქანით ხართ რომელიმე
_ვერ წამოვალთ სანამ ყველაფერი არ დალაგდება...ჩემი შეყვარებულია იქ და ბარბარეს გამო დაიწყო ყველაფერი იქ ...ღმერთო გავგიჟდები. დუდა მინდა
_ არ დაურეკო... მოაგვარებენ დუდას მეგობრები და ჩემები
_ვინ თქვენები ის ბიჭები? იმათ დაიწყეს ყველაფერი. აი ის მაღალი მოვიდა და
_ვინ მაღალი კახი? ჩემ ძმაზე ამბობ?_ თავი ვერ შეიკავა ისე შეიცხადა და აივნიდან გადაიხედა ისევ . იქამდე არ იცოდა მისი ძმის მეგობრები თუ იდგნენ ყიფიანის სამეგობროს წინ. დუდა ურეკავდა და მალევე ხედავდა ეზოში მიმავალს
_გოგონები სახლში წაიყვანე ,გთხოვ
_შენ რას აპირებ... ვის მხარეს
_სოფიო გთხოვ წაიყვანე გოგონები სახლებში . შენი იმედი მაქვს _პასუხი არ მოუსმენია ისე გაუთიშა და წავიდა .

რა უნდა გაეკეთებინა. გოგონები წაიყვანა და ბოლოს ანას ბინაში აღმოჩნდა. ბარბარე თავს ისევ ცუდად გრძნობდა და ვინაიდან ანას სახლში ცხოვრობდნენ იქ შეჩერდნენ ყველანი.
_კარგად ხარ?შენი ნერვიულობა არ შეიძლება ახლა და დამშვიდდი
_გავგიჟდები ,მართლა გავგიჟდები...რა უნდა
_შეგიძლიათ მომიყვეთ ჩემი ძმა რა შუაშია ? მე მოვაგვარო იქნებ
_კახი არის თქვენი ძმა ... მაინცადამაინც ?
_აქამდეც იცნობდით ანუ ხომ?
_კურსელები არიან
_ხოო? უნივერსიტეტში დადის საერთოდ?
_დადის ... როცა მოუნდება ხოლმე და ბოლო დროს ხშირად უჩნდებოდა სურვილი _ სესილიას ტონით მიხვდა დაახლოებით რაც ხდებოდა
_მოსწონხარ ?სწორად გავიგე?
_როგორი უხერხულია ღმერთო ჩემო _სახეზე აიფარა ხელები და ისევ წამოუვიდა ცრემლები _მაგრამ ისეთი იდიოტია
_გაწუხებს,გავიწროებს, ცუდად გექცევა? _ ლამის გული გაუსკდა იმის წარმოდგენისას რომ საკუთარ ძმას არ იცნობდა საკმარისად და ამ დროის სიმცირის ნაკლები კომუნიკაციის განმავლობაში სულ სხვა ადამიანად ჩამოყალიბდა
_არა ,მაგრამ არც მოსვენებას მაძლევს. ვერ გავაგებინე რომ შემეშვას
_სხვა მოგწონს ? სესილიას შეყვარებულის მეგობრებიდან რომელიმე ხომ არა _თითქოს წინასწარმეტყველური უნარი ჩაერთო
_ხოო ... მთელი ცხოვრებაა ნიკა მიყვარს . დუდამაც კი იცის და კახისაც ვუთხარი . არა ვინაობა არ მითქვამს,მაგრამ ვუთხარი არ გამოვა ჩვენი ურთიერთობა სხვა მიყვარს_თქო ,მაგრამ არაფერი შეისმინა. შეგიყვარდები და მიხვდები რომ ჩემამდე არავინ გყვარებიაო
_დღეს რა მოხდა
_ბიჭები მოვიდნენ... სესილიას სიურპრიზი გაუკეთა უტამ და მოულოდნელად კახიც მოვიდა. ნიკა გაბრაზდა და ყველაფერი აქედან დაიწყო. ისიც რამ გააბრაზა ,მაგრამ ისე მომეხვია და მაკოცა თითქოს შეყვარებული იყო და არა კურსელი . ღმერთო გავგიჟდები რამე რომ დაემართოს
_რომელს
_ნებისმეირს...იქ იმდენი ვინმე იყო ბოლოს. კახი კიდევ ისეთია ღმერთოო ნიკო მაგას კი არ ჰგავს ჩვეულებრივი წესიერი ბიჭია. ცხოვრებაში არ უჩხუბია ალბათ
_არც ჩემი ძმაა უწესო და უზრდელი
_სხვა რამ ვიგულისხმე ხომ ხვდებით კახი სხვანაირია
_ვიცი როგორიცაა და მიკვირს ასე როგორ უყვარხარ რომ თავს იმცირებს. ცხოვრებაში არაფერი უთხოვია ორჯერ
_თქვენ ახლა მიკერძოებული ხართ მესმის უმცროსი ძმაა და
_სულაც არ ვარ მიკერძოებული... აუცილებლად დაველაპარაკები და უკანასკნელი იქნება როცა ზედმეტად დაგეკონტაქტება. პირობას გაძლევ ...
_თქვენ ... დაელაპარაკებით?
_აუცილებლად _უყურებდა და ხედავდა როგორ ეკარგებოდა ფერი. მერე ღებინება დაეწყო და სოფიო რომ არ მიმხვდარიყო დროულად ალბათ ყველაფერს დასვრიდა. გოგონები წუხდნენ ხაჭვანი კი ბუნებრივი მდგომარეობაში იყო.
_მაპატიეთ ... ღმერთო როგორ მრცხვენია_ პირიც რომ მოწმინდა ,მოაწესრიგა და ბოლოს ტანსაცმელგამოცვლილს საწოლთან ჩამოუჯდა მაშინ ამოიტირა გოგომ
_არაუშავს ... მხოლოდ ერთ კითხვას დაგისვამ რომელზე პასუხსაც ან შენგან მივიღებ და მე შენ მხარეს ვიქნები ან ისე გავიგებ და პოზიცია არ მექნება ...
_რა კითხვა
_მხოლოდ მოკლედ მიპასუხე . სხვა არაფერი მითხრა თუ არ გინდა
_გისმენთ
_ორსულად ნიკოსგან ხარ თუ კახისგან _ ეს რომ ჰკითხა გააზრებითაც შემდეგ გაიაზრა პოტენციურად საკუთარ ძმის შვილზე რომ საუბრობდა და გულისცემა აუჩქარდა პასუხის მოლოდინში