იცი? სიკვდილის არ მეშინია
ადრე თუ გვიან ყველა ბერდება
მე ამის მჯერა სიკვდილის შემდეგ
სიცოცხლე ჩვეულ რიტმში გრძელდება

იმ დღეს როდესაც ღმერთი წამიყვანს
და გულისცემა რომ შემიწყდება
ვიცი რომ ჩემი ცოდვილი სული
დედამიწიდან ღრუბლებს მიწვდება

იმ დღეს როდესაც იმ ქვეყნად წავალ
და ცაში ღრუბლებს მოვეფინები
მხოლოდ მინატრეთ და დედამიწას წვიმის წვეთებად მოვევლინები

მაშინ როდესაც აღარ ვიქნები
ზეციურ საზღვარს როცა გავცდები
ვიცი ვიცი რომ არ დამივიწყებთ
და სამუდამოდ თქვენში დავრჩები.