10 მიზეზი იმისა,რატომ უნდა დააფასოთ თქვენი “ჰეითერები”

მოგეხსენებათ,ყველა იმ ადამიანს,რომელიც საჯაროდ ეწევა ამა თუ იმ საქმიანობას,ხშირად უწევს იმ ადამიანებთან შეხვედრა(შეფეთება),რომლებიც თავიანთ სათქმელს ხშირად ზედმეტად ნეგატიურად(ხანდახან სრულიად უმიზეზოდ) გამოხატავენ .
ჩვენს საიტზე განსაკუთრებით ცუდ დღეში არიან პოპულარული მწერლები,რომელთა ნაწარმოებებსაც დიდი გამოხმაურება აქვს და შესაბამისად,ნეგატიური კომენტარებიც მეტია,სხვა მწერლებთან შედარებით.
ვიღაცას არ მოსწონს პერსონაჟი,ვიღაცას ჟანრი,ვიღაცას კი უბრალოდ ავტორის სტილი ან თავად ავტორი...
მთავარია გააზრება,რომ მოძულეები(შემდგომში,ჰეითერები,ვინაიდან ეს სიტყვა კარგად აღწერს იმ შემთხვევას,რომელზეც ვსაუბრობ) თქვენივე წისქვილზე ასხამენ წყალს და ნეგატიური გამოხმაურებები არანაირად არ უნდა შეიქმნას თქვენი შემოქმედების დამაბრკოლებელ მიზეზად.
აქვე ჩამოვთვლი იმ ათ მიზეზს,რის გამოც ჰეითერები უნდა დააფასოთ და მათზე არ უნდა გაბრაზდეთ.

1.ეს ნიშნავს იმას,რომ თქვენ სწორად აკეთებთ იმას,რასაც აკეთებთ.

“ჰეითერების” მობილიზება თქვენს გარშემო ნიშნავს იმას,რომ უკვე მიაღწიეთ წარმატების გარკვეულ საფეხურს.
თუ არაფერი მნიშვნელოვანი არ გაგიკეთებიათ აქამდე,არც არავინ გამოვა თქვენს გასაკრიტიკებლად.
როდესაც ხალხი თქვენს მიმართ სიძულვილს ან უკმაყოფილებას გამოხატავს,ეს მიიღეთ იმის ნიშნად,რომ მართლაც მიაღწიეთ წარმატებას.გამოიყენეთ ეს,როგორც მოტივაცია,რათა კვლავ განაგრძოთ წარმატებისკენ სვლა.

2.ისწავლეთ მათგან,რომ იყოთ მეტად შემწყნარებლები სხვათა მიმართ.

როდესაც ხედავთ,რომ უმიზეზოდ გახვევენ ნეგატივს,მაშინ,როცა შეუძლიათ,თავიანთი სათქმელი ზრდილობიანად დააფიქსირომ,იაზრებთ,რომ თავად არასდროს უნდა მოექცეთ სხვას მსგავსად.

3. გამოიყენეთ ისინი,რათა შეიცნოთ საკუთარი თავი.

მართალია,ნეგატიურ კომენტართა უმრავლესობა შურის,ანდა უბრალოდ ვერ გააზრების ბრალია,არის შემთხვევები,როდესაც ეს ადამიანები მართალია უხეშად,მაგრამ მაინც გვითითებენ იმაზე,რაც რეალურად ჩვენი ხარვეზია,ამიტომაც სიბრაზის მიღმა,უნდა გამოვიყენოთ მათი მითითებები და ჩვენი თავი კიდევ უფრო მეტად დავხვეწოთ.
ეს რა თქმა უნდა,არ ნიშნავს “შეკვეთით წერას” ან რაიმე მსგავსს,უბრალოდ ყველას აქვს რაიმე უარყოფითი თვისება და მის გამოსწორებაზე ზრუნვა სულაც არ ნიშნავს პიროვნულობის დაკარგვას.

4. ვისწავლოთ თავმდაბლობა, თავშეკავებულობა.

ის ფაქტი,რომ ვინმე კრიტიკულ და ნაკლებად ზრდილ კომენტარს გვიძღვნის,არ ნიშნავს იმას,რომ თავადაც იგივეთი უნდა ვუპასუხოთ.
ამგვარად ვისწავლით თავშეკავებას,სიმშვიდესა და გაწონასწორებულობას,ეს თვისებები კი საჭიროა წარმატებისთვის.
ნებისმიერი ადამიანი,რომელიც რაიმეს აკეთებს,იქნება ეს მწერლობა თუ ჭოკით ხტომა,თავის საქმეს სერიოზულად უნდა მიუდგეს,არც გადამეტებული თვითშეფასებით და არც პირიქით.
“ჰეითერების” აგრესიულობისგან კი უნდა ვისწავლოთ,რომ თავადაც მათგვარად არ მოვიქცეთ და უფრო გაწონასწორებული ადამიანები ვიყოთ.
მიენდეთ საკუთარ თავს,ინსტიქტებს და პატივი ეცით როგორც საკუთარ თავს,ასევე იმ მკითხველს,რომელიც თქვენ,როგორც მწერალს,დადებითად გიყურებთ და თქვენგან ღირსეული საქციელი გაცილებით ესიმოვნება,ვიდრე საპასუხო ლანძვა ვინმე არაადეკვატური პირის მიმართ.

5.მათგან ვსწავლობთ,თუ როგორ მოვაგვაროთ კონფლიქტები.

კონფლიქტები არსებობს ცხოვრების ყველა მონაკვეთში და არა მხოლოდ საიტზე.
თუ კი ღირსეულად მივუდგებით “ჰეითერებს” და მათ პასუხს ნორმალურად დავუბრუნებთ,ეს დაგვეხმარება,გამოვიწრთვნათ და არა მარტო ინტერნეტში,არამედ კონფლიქტის სხვა სიტუაციებში “მაღალ საფეხურზე” მოვაგვაროთ საქმე.
რა თქმა უნდა,ხანდახან ყველა ბრაზდება და არ სცხელა სიდინჯისთვის,თუმცა ინტერნეტ სივრცე და მისი “ჰეითერები” საუკეთესო საშუალებაა იმისთვის,რომ ვისწავლოთ უარყოფით ემოციებთან გამკლავება.

6.ვისწავლოთ სიბრაზის კონტროლი.

ეს არა მარტო საიტის,არამედ ცხოვრების გამოწვევაა.
თუ კი ნეგატივზე თავადაც გავბრაზდებით,მაშინ ნამდვილად აღმოვჩნდებით”ჰეითერების” მსხვერპლნი.
იმის ნაცვლად,რომ უარყოფით შეფასებებს ჩვენს მიმართ თავადაც უარყოფითად ვუპასუხოთ,ეს ყველაფერი მშვიდად უნდა მივიღოთ.
გვახსოვდეს,რომ ადამიანებს სხვადასხვანაირი აღზრდა,განათლება,ინტერესები და შეხედულებები აქვთ და საკუთარი მშვიდი გარემო იმოს გამო არ უნდა დავარღვიოთ,რომ ვინმეს რამე არ მოსწონს.

7.გამოვიყენოთ ისინი,რათა ვისწავლოთ,როგორ დავაიგნოროთ ნეგატივი.

გარშემო ზედმეტად ბევრი უარყოფითად განწყობილი ადამიანია,თუ მათ აზრს გულთან ახლოს მიუშვებთ,საკუთარ თავს მხოლოდ ცუდს გაუკეთებთ.
ამდენად,”ჰეითერები” საუკეთესო გაკვეთილია იმის გასააზრებლად,რომ რაღაცები საერთოდ არ უნდა გავითვალისწინოთ და ჩვენი ყურადღების მიღმა დავტოვოთ.

8.მათი საშუალებით დამოუკიდებელი აზროვნება კიდევ უფრო განვითარდება.

ძალიანრ თულია,როდესაც ვაწყდებით ისეთ ადამიანებს,რომლებსაც ჩვენგან რადიკალურად განსხვავებული შეხედულებები აქვთ. შესაძლებელია მე დეტექტივის კითხვა მომწონდეს,სხვა კი ამას ვერ იტანდეს,თუმცა იმის ნაცვლად,რომ მათმა აზრმა ჩვენზე გავლენა მოახდინოს,უნდა გავითავისოთ,რომ უპირატესი ჩვენი შეხედულებაა,ვინაიდან არავინა ვალდებული,დაეთანხმოს სხვის მოსაზრებებს.
ამდენად,ამგვარი ხალხი გვანახებს,რომ ჩვენი საკუთარი აზრი,მისწრაფებები ჩვენვე გვეკუთვნის და არაა საჭირო,შევცვალოთ,თუ კი ვინმეს არ მოეწონება.

9.გამოიყენეთ ისინი,როგორც მოტივაცია

მართალია,არავისთვის არაფრის დამტკიცება არაა საჭირო,თუმცა საკუთარი თავისთვის-ნამდვილად.
დაუმტკიცეთ თქვენ თავს,რომ ისინი ცდებიან და გააგრძელეთ იმის კეთება,რაც სიამოვნებას განიჭებთ.

10.მათი საშუალებით გაცილებით მეტად დააფასებთ თქვენს მიღწევებს.

მაშინ,როდესაც უარყოფითი კომენტარების მიღმა ნამდვილად გამოგივათ ის,რაც ჩაფიქრებული გქონდათ,ერთი-ორად გაიზრდება თქვენი გამარჯვების სიტკბოება.
უნდა იამაყოთ იმით,რასაც მიაღწიეთ.იქნება ეს წარმატებული ისტორია თუ სულაც წიგნი.
ამ სიამაყეს კი გაცილებით აამაღლებს იმის განცდა,რომ თქვენ,სხვათა სიძულვილის მიუხედავად,მაინც შეძელით ეს.