იცი ღამე რაზე ვფიქრობ
როცა მთვარეს ვუზივარ,
ჩუმად, ჩემთვის გულით გიხმობ
მაგრამ ახლოს გიფრთხივარ.

ჩაივლი და ეგ სურნელი
მაგ თვალების სულში ცქერა,
ტანში მივლის ჟრუანტელი
ხმას ვერ გაგცემ დღესაც ვერა.

ისევ მიჯობს დავტკბე შორით
გამოვატან სიტყვას ჩიტებს,
ხმაც შენამდე მოდის ჭორით
მაგრამ გული მწარედ მიტევს.

სულ ჩხუბობს და მეუბნება
შე უჯიშო ხმა გაეცი,
სიტყვა შენ რაც გეგულება
გრძნობა ასე გადაეცი.

მე კი ისევ მთვრალი ვზივარ
და გავყურებ მშვიდად მთვარეს,
დღესაც ტრფობას მივცემივარ
ან უბრალოდ ლამაზ ღამეს.

თუმც ღამეში შენზე მეტი
არავინ არ დამინახავს,
სიტყვაც არ მსურს ვთქვა ზედმეტი
ჯერ ასეთი არ მინახავს.

მოკლედ როგორ დაგიწერო
რაც ვრცლად ნაზად წერია,
ან როგორღა დაგაჯერო
აზრიც არ ამრევია.