ჭეშმარიტების ტკბობა

ღმერთს შევფიცე ჭეშმარიტება და ეს იყო რწმენა სიმართლის, ამ რწმენით ვცოცხლობ და მაქვს სასოება, იმედი სინათლის.

ლოცვა

ჩემს გულში შემოდი! წლებია ვმარტოობ.... ხავსი მოსდებია დერეფნებს სულისას.... აანთე იმედის ჩამქრალი კოცონი... ჰაერით ამავსე ამაო სუნთქვისას!!!

*****

მე არ ვარ წმინდა და სიძულვილს განვიცდი მძაფრად ფარისევლები კი ჩემამდე ვეღარ მოდიან, თუ შენს სახეზე მლიქვნელობას ავხადე ფარდა ჩემთვის ლამაზი ვეღარასდროს ვერ გამოდიხარ. ჩემი ეგოიზმიც სხვების ალტრუიზმზე ბევრად ნათელია

მაინც მწყურია

ჯოჯოხეთამდე.. მხოლოდ ერთი საფეხურია.. უკანასკნელი ნაბიჯების გადადგმა დამრჩა.. უცნაურია.. სულ მარტო ვარ.. მაინც მწყურია.. ო, რა ახლოა სიყმაწვილე, სულში რომ ჩამრჩა..

შენ

ჩემზე უკეთესი ვინ გყავს ? ჩემზე ერთგული და წრფელი? შენი მეგობარი, ცალი, შენი მეუღლე და კერპი! შენი საყვარელი გულის და შენი სხეულის ფეთქვა.

სიზმრების საცერი

საწოლის თავზე , ქარი არხევს მოწნულ ლურჯ ბადეს. სიზმრების საცერს ვანდობ ძილს და უსიზმრო ღამეს.

გაფრენა ქარის

და სწორედ ასეთ სიმარტოვეში, მოდის ის ბნელი, სურვილი მძაფრი. და ქარიშხალი ანგრევს ყველაფერს... და მსურს მეც ვიყო გაფრენა ქარის....

,, დაღლა "

ვაზნებად ჩაწყობილ დღეებზე ვფიქრობ.... ყველა მათგანის გასროლას ვცდილობ... ყველა წლის ყველა დღე სათითაოდ მგლეჯს... ისე მიყვარს მთვარე , როგორც უყვარს მგელს...

თვალებს ვხუჭავ

თვალებს ვხუჭავ, თვალებს მიღმა გხედავ. ვახელ თვალებს , აღარა ხარ ქრები. გარეთ ისევ წვიმის მელოდია... სულში ისევ ქარიშხალი კვნესის.

შენი მშვენებით

თავს ვიტყუებ მარად და მარად სიმართლეს ვჩქმალავ და ვფარავ ათასჯერ მაინც დამინახავს და არც კი მითქვამს რომ მისმა ხილვამ სული გამინაბა